#mova1019 "МОВА НАНОВА" Берасце

Першая настольная гульня OZ на беларускай мове. У "Мовы" тры варыянты сцэнарыя. Рэкамендаваны ўзрост удзельнікаў — ад 14 гадоў, але строгіх абмежаванняў няма. Гуляць адначасова могуць ад 2 да 6 чалавек. Працягласць – 20-30 хвілін – залежыць ад падрыхтаванасці ўдзельнікаў.

Калі ласка, калі цікава родная мова, запрашаю ў новую суполку!!!

"Ў-ля-ля-спеўнік" вяртаецца дапоўненым выданнем!

Сустракайце– зборнік з 20 песень на беларускай мове. Гэта і народныя, і песні сучасных гуртоў, і пакладзеныя на тэксты класікаў літаратуры, і перакладзеныя з рускай мовы. Кожны тэкст мае варыянт напісання лацінкай, а таксама спеўнік дапоўнены акордамі для гітары і qr-кодамі са спасылкамі на відэа на YouTube.

Спампоўвайце, дасылайце сябрам і спявайце ў кампаніях! А яшчэ гэта класны матэрыял для таго, каб знаёміць замежнікаў з беларускай музычнай культурай.

Дарэчы, ў Брэсце зборнікі можна бясплатна ўзяць у некалькіх кавярнях (падрабязнасці- ў Direct @za_razmovu https://instagram.com/za_razmovu?utm_medium=copy_link )

Шаноўныя, гурт LEIBONIK 18 ліпеня едзе ў Берасце раздаваць канцэнтрат беларускага ракенролу!

Шчыра, цёпла і гучна будзем спяваць, выпіваць і рэфлексаваць. Плануецца шырокая праграма ў двух аддзяленнях — будзе і альбом “Жакі”, і троху старой добрай акустыкі.

Канцэрт пройдзе ў Coyote Club (Дзяржынскага 14/1). Пачатак f 19.00. Квіткі на ўваходзе 10р.

Запрашаем на майстар-клас па беларускім арнаменце!

На майстар-класе вы больш даведаецеся пра гісторыю беларускага сімвала, а таксама ўпрыгожыце адзенне арнаментам пры дапамозе акрылавай фарбы па тканіне і трафарэтаў.

З сабой бярыце кофту/ майку/ джынсы ці шопер, які хаціце ўпрыгожыць, і пазітыўны настрой, канешне ж. Прысмакі і фарбы за намі. Показать полностью.

Колькасць месцаў абмежавана - паспей зарэгацца.

Чакаем вас 13 траўня 18:30Адрас: вул. Маякоўскага, 46/1Кантакты: Марыя +375292023511 (Viber, Telegram)

Новы майстар-клас ад праекта «Першыя» GRL PWR! Гэта – жаночыя сіла, розум і прыгажосць як яны ёсць. 3 красавіка ўпершыню чакаем на адукацыйнай праграме замежных гасцей, дый яшчэ якіх – вядомых і паспяховых бізнесвумен з Аўстрыі з прафесійным вопытам, што ўразіць і зацікавіць кожнага.

Нашы спікеры: Ульрыке Хаслауэр – уладальніца і кіруючы дырэктар Compact Electric; Сільвія Ага-Шантль – бізнес-трэнер, спецыяліст і коўч па камунікацыях, Прэзідэнт Асацыяцыі Нямецкамоўных Спікераў; Габрыэле Домшыц – топ-мэнеджэр і юрыст, якая шмат гадоў кіравала кампаніяй Wiener Stadtwerke і спыяла развіццю інфраструктуры Вены, а цяпер з’яўляецца прэзідэнтам найбуйнейшай венскай грамадскай валанцёрскай арганізацыі.

Бясплатная трансляцыя пачнецца аб 11-й гадзіне на відэасэрвісе VOKA і будзе даступнай для ўсіх жадаючых. Далучайцеся!

20 сакавіка адбудзецца другі майстар-клас праекта “Першыя”. Гэтым разам на тэму: “Культура. Урбаністыка. Інклюзія”. Трансляцыя пачнецца аб 11-й гадзіне на сайце www.generation.A1.by.

Адкрые майстар-клас тэматычны блок пра культуру. Кіраўнік платформы @say.belarus Аляксандр Шастаковіч раскажа, як выкарыстоўваць IT-тэхналогіі для вывучэння беларускай мовы.

Спікерам на тэму інклюзіі выступіць стваральніца і дызайнер брэнду @tikota.unique Кацярына Безрукава. Яна раскажа пра тое, як прыдумляе мадэлі адзення для людзей з інваліднасцю, цяжарных і кормячых мам, а таксама пра тое, як нават адна невялікая дэталь можа зрабіць чыёсьці жыццё больш камфортным.

Сваім вопытам у сферы ўрбаністыкі падзеліцца архітэктар і дызайнер Таццяна Цярэшчанка @tereshchenkot, якая раскажа пра тое, як і навошта мяняць навакольны свет.

Пасля выступленняў спікераў удзельнікі майстар-класа змогуць пагутарыць з імі ў чаце. Аўтары самых складаных і цікавых пытанняў, зарэгістраваныя на сайце праекта www.generation.A1.by, атрымаюць каштоўныя падарункі.

Запрашаем цябе прыняць удзел у бясплатным майстар-класе па кірунках "Тэхналогіі. Экалогія" конкурсу ідэй "Першыя"

Дата: 20 лютага 2021 года Месца: generation.A1.by - сайт праекта "Першыя" Пачатак а 11-й гадзіне.Показать полностью. Фармат – анлайн.

Мiтрый Соркiн - сузаснавальнiк i крэатыўны прадзюсар IT-кампанii Feeling Digital - раскажа, як VR і АR-тэхналогіі мяняюць заўтрашні дзень.

Ганна Александронкава - каардынатар Міжнароднага фестываля-узаемадзеяння з гістарычным і прыродным ландшафтамі Беларусі сродкамі сучаснага мастацтва і музыкі SPRAVA падзеліцца сваім досведам па тэме "Модны фестывальны рух у гармоніі з прыродай: спалучыць і атрымаць профіт”. Далучайся!

Сябры, мы вельмі сумавалі па вас і ведаем, што вы па нас таксама

Думаем усё ж такі пачаць заняткі ў анлайн фармаце! Гасцей будзем запрашаць таксама анлайн. Адзначцеся, калі ласка, у каментарах + , калі вы гатовыя падключацца да заняткаў раз на тыдзень. Вельмі важна ведаць, што мы не будзем сам на сам з сабою

Велмі добра ведаць родную мову.

Яшчэ лепей калі нашы дзеці таксама ведаюць яе.

Аднак, акрамя мовы, вельмі важна ведаць гісторыю сваёй зямлі, свае карані! Показать полностью. І гэта можа быць велмі цікава і захапляльна таму, што можна даведацца пра тое, чым жылі нашыя продкі, як рабілі цацкі для сваіх дзетак, чым забаўлялі іх, як адзначалі святы ды значныя падзеі ў жыцці.

Абрыс Клуб аднаўляе працу Студыя культуры і мастацтва «Бабуля Казала» і пачынае групавыя заняткі па беларуску і па расейску, калі патрэбна. Заняткі праходзяць: у групах да 10 чалавек: - 4-7 гадоў разам з дарослым - з 8 гадоў самастойна

у Нядзелю з 13:00 да 15:00

у студыі Абрыс Клуб па адрасе: г. Брэст, вул. Інтэрнацыянальная 17, оф. 9

Кошт заняткаў - абанемент на месяц - 50 руб. (усе матэрыалы ўключаны)

альбо тэлефануйце: +375 29 506-50-40

Калі ты ня ведаешь традыцый сваёй роднай зямлі - ты не ведаешь нічога!

Заўтра ў Берасці адбудзецца унікальная падзея – прэзентацыя народнага спеўніка! Спецыяльным госцем будзе адзін з самых вядомых этнакалектываў Vuraj. Вядоўца мерапрыемства – Сяржук Доўгушаў. Акрамя канцэртнай праграмы будуць супольныя спевы, на якіх можна будзе спяваць песні з гэтага спеўніка

17 кастрычніка а 18 гадзіне ў Брэсцкай абласной філармонііУваход вольны

Слово дня полісскою: «вáдрик» [вадрык] (таксама сустракаецца вэдрык/бэдрык/пэдрык) - божая кароўка.

Прыклад ужывання: повна хата вадрикув налитіла, зачінєй гокна, бо заре ще й кумарі будуть.

Рыхтуецца да выдання ўнікальная кніга, метадычны дапаможнік па выхаванню дзяцей у беларускай традыцыйнай культуры ад этнапедагога Ларысы Рыжковай.Кніга адрасуецца кіраўнікам дзіцячых фальклорных калектываў, супрацоўнікам устаноў культуры і адукацыі, а таксама ўсім, хто выхоўвае сваіх дзетак па-беларуску, цікавіцца народнымі спевамі і традыцыйнай культурай.Показать полностью.

Калі вам цікава, можаце замовіць кнігу на Ulej і тым самым падтрымаць выданне: https://ulej.by/projects/1500017

Аўтарка кнігі легендарная Ларыса Рыжкова, захавальніца жывога фальклору, кіраўніца дзіцячага ўзорнага калектыва "Калыханка" з Міханавічаў, чароўная казачніца і выдатнейшы этнапедагог.У сваёй кнізе яна дзеліцца багатым, больш за 30-гадовым досведам працы, паказвае, якім чынам можна далучыць дзяцей да народных слухавых спеваў, раскрывае пытанне сваёй методыкі. Праз гульні, казкі, народныя забавы і святы яе навучэнцы прыходзяць да разумення песенных вобразаў, абрадаў, побыту, узаемаадносінаў продкаў і становяцца часткай традыцыйнай беларускай культуры.

Мы плануем выдаць 1000 асобнікаў з мультымедыйным дадаткам: 14 відэа з гульнямі і каментарамі педагога Ларысы Рыжковай + 2 архіўныя запісы тэлеперадачы "Калыханка". Хацелася, каб кніга патрапіла ў нашыя дзіцячыя садкі і школы.